2024-04-26 21:00:50
ሚስጥራዊ ሚስት
በጣም አስተማሪና ልብ አንጠልጣይ የፍቅር ታሪክ የ ቴሌግራም ገፅ ተዘጋጅቶ የቀረበ
ክፍል ❿
መኪና ውስጥ ገብተን ጉዞ ቀጠልን...በድንገት ጆን ቆይ አንተስ ለምን ፍቅረኛ አትይዝም የሚል ጥያቄ ጠየቀችኝ
ባክሽ ፍቅር ለኔ ጭንቀት ነው በዛ ላይ ፍቅረኛ ለመፈለግ ጊዜ የለኝም አልኳት ላንተ ጊዜ ከሌለህ እኔ እፈልጋለሁ ግን ምን አይነት ሴት ትሁንህ ስትለኝ ከአፌ እንዴት እንደወጣ አላውቅም ልክ እንዳቺ አይነቷን አልኳት ኧረ ጆን ታድያ አንተ የምትፈልገው ፍቅረኛ ሳይሆን እህት ነዋ
እህት እኔ አለሁ አይደል ነው ወይስ ሁለተኛ እህት ነው የምትፈልገው አለችኝ
አንቺ ደሞ ፍቅረኛ ማለት ያለው እህትም እናትም ማለት አይደል አልኳት
ተው ግን ጆን በቃ ፍቅረኛ ካገኘህ እኔን አትፈልግም ማለት ነዋ አለችኝ
እንዴ መቅዲ ለምን እንደዛ ትያለሽ ብዬ ስጠይቅ
ፍቅረኛ እህትም መሆን የምትችል ከሆነ በቃ አንተን አጣሁ ማለት እኮ ነው እንደውም ፍቅረኛ አልፈልግም እኔው ራሴ ነኝ ላንተ እናትም ፍቅረኛም እህትም የምሆነው ብላ መሳቅ ጀመረች ባክሽ ወደዛ ሂጅ አንቺን ሚስት አድርጎ ማን እየተቃጠለ ይኖራል አንቺ ማለት እኮ ፍየል ነሽ ፍየል መጠበቅ ከባድ ነው እኔም በተራ መሳቅ ጀመርኩኝ
እንደውም ተው እኔም አልፈልግም እሺ አንተ እኮ ውሸታም ዱርዬ ነህ እኔ ደሞ ውሸታም ሰው እንዴት እንደምጠላ ታውቃለህ አይደል ስትለኝ በድንጋጤ ክው አልኩኝ፣
አንተ ጆን ምነው ዝም አልክ እኔ እኮ ለቀልድ ነው አቦ ፈታ በል በቃ ግን ቆይ ጆን ለደስታ ምን ልንለው ነው፣ እኔ ምን እላለሁ እናንተ የምታወሩትን እናንተው እወቁ እንጂ ሁለታችውም ፍየሎች አይደላችሁም አልኳት
ተው ግን ጆን እኔ ላንተ ጊዜ እንዲህ ነኝ? በእናትህ ንገረኝ ስትለኝ በቃ የኔ ፍቅር እወድሃለሁ በይው አልኳት
ምን? አይደለም ለእሱ ላንተም ቢሆን እንደዚህ አልልም እሺ ከፈለገ እሱ ይበለኝ ሆሆሆ ሲጀምር እኔ የምወደው ግጥሙን እንጂ እሱን አይደለም እሱ እኮ የሆነ እንከፍ ነገር ስትለኝ ሳቄን መቆጣጠር አቅቶኝ ሳቄን ለቀቅኩት
እእእእእ ምን ትስቃለህ? ባክህ መኪናውን አሁን እቁም ደርሰናል እኮ ስትለኛ ብለሽ ብለሽ አሁን መኪና እንዴት እንደማቆም ሁሉ መናገር ጀመርሽ ከዚህ ሁሉ ለምን ራስሽ አትይዥውም አልኳት
አንተ ምርጥ ሃሳብ ነው እንደውም ከዛሬ ጀምረህ መኪና ታስለምደኛለህ አለችኝ
አንቺን አምኖ መኪና ማን ይሰጣል አንቺ ማለት እኮ እብድ ነሽ አልኳት
ጆን ነው አይደል እንደውም አሁን እቤት መመለስ እፈልጋለሁ ቤት መልሰኝ ስትለኝ እሺ ይቅርታ አሁን አድርግ ያልሽውን ሁሉ አደርጋለሁ አልኳት እንደዛ አትልም ታድያ በቃ ውረድ ብላኝ አብረን ከመኪና ወርደን ሱቅ ገባን....
ደስታ እውነትም ደስ ብሎታል
ለነገሩ እንደዚህች አይነት ውብ ንግስት በስጦታ መልክ ሰጥቼው ደስ ቢለው ምን ይገርማል?
መቅዲ ግን ጭር ያለች ትመስላለች
.....ለነገሩ እንደዚህች አይነት ውብ ንግስት በስጦታ መልካም ሰጥቼ ደስ ቢል ምኑ ይገርማል፣
መቅዲ ግን ጭር ያላት ትመስላለች...
በነገራችን ላይ የሱን ሱቅ የሄድነው ለእቃ አይደለም ዛሬ ምሽቱን ዘና ፈታ ለማለት ቀጠሮ ይዘናል ለደስታ ደግሞ መኪና የለውም ስለዚህ እርሱንም ይዘን እንሄዳለን ብለን ነው ስራ ቦታው የሄድነው
ትንሽ ራቅ ብሎ ለኔ ስልክ ደውለው አንተ ምን አይነቱ ጅል ነህ የእውነትም ሱቅ ይዘህ ትመጣለህ? ባክህ አንድነት ሆቴል ይዘሀት ና ወንድ ልጅ ቀጠሮ ቦታ ቀድሞ ነው መገኘት ያለበት ለነገሩ አንተ ስለ ፍቅር ምን ታውቃለህ በል ፈጠን በል ብሎ ስልኩን ዘጋው
ቀድሞ ከበቀለው ጆሮ በኋላ የሚበቅለው ቀንድ ይሉታል ይኼ ነው
እኔ መኪና ውስጥ ከመቅዲ ጋር ስለሆንኩ ምንም መልስ አልሰጠውትም በውስጤ ለብቻዬ እየሳቅኩኝ ወደ አንድነት ሆቴል ጉዞ ቀጠለን...
ፖፖፖ ዛሬ እንዴት አባቱ ሽክ ብሏል!
አይይይ ደስታ ቆይ የግብዣ ልምምድ እያደረክ ነበረ እንዴ እያልኩ በልቤ ብቻዬን እስቃለሁ እሱ ለራሱ ዛሬ የምግብ ምርጫ በኔ ነው እናንተ መምረጥ አትችሉም ብሎ አስተናጋጅ ጠርቶ ምግብ አዘዘ
በአንድ ልቤ እኛ የኢትዮ ወንዶች እኮ ምግቡን ራሳችን የምንመርጠው በምክንያት ነው ግፍ የማያውቁ የሀገራችን ሴቶች አይደለም ኪስ ውስጥ ይዘን የመጣነው ብር ደሞዛችን ራሱ የማይችለውን ምግብ ቢያዙ ጉድ ከምንሆን ብለን እንጂ
ለነገሩ ደስታ የብር ችግር የለበትም ግን ምርጫ በእኔ ነው ሲል የኔን ቁስል የነካው ስለመሰለኝ ነው፣
ለማንኛውም ይምጣ እስኪ ብዬ መጠበቅ ጀመርኩኝ...
ስሙ ምን እንደሆነ የማላውቅ ምግብ መጣ
ለነገሩ የእነዚህን ምግብ ሁሉ ስም ባውቅ ትልቅ እውቀት አለኝ ማለት አይደል!
እንብላ እንብላ ሲለን እሺ እሺ ብለን ልክ መብላት ስንጀምር. መቅዲ ቁጭ ካለችበት ብድግ ስትል ምን እየሆነች ነው ብዬ ቀና ስል ለካ በእጇ ላይ ምግብ ይዛለች እሰይ ድፍረት እንደዚህ ነው ለደስታ ልታጎርሰው ነው ብዬ ስጠብቅ ጆን ተቀበል ተቀብል ስትለኝ በአንድ ልቤ ደስ ብሎኝ ግን ደሞ ጉርሻው ለእሱ ይገባ ነበረ እያልኩ ግን እምቢ ማለት ስለማልችል ተቀበልኩኝ
እንግዲህ ብድር መመለስ ግድ ነው ብዬ እኔም አንስቼ አጎርስኳት፤
ቆይ ግን ጋበዡ ማነው
በሰው ግብዣ እኛ ጭራሽ ጥንዶች ሆነን ቁጭ አለን
ደስታ ግን እንዴት አባቱ ቅጥል ብሎ ይሁን?....
ለነገሩ እሱ እኔን በምንም መልኩ በዚህ ይጠራጠራል የሚል እምነት የለኝም፣
ምግቡን በልታን አሁን ለመቀውጥ ሦስታችንም ወደ መጠጥ ቤት ሄደን...
ለኔ ቤቱ አዲስ ነው
እኔ ሰፈር ውስጥ ጠላ ቤት ምናምን ነው እንጂ እንደዚህ ናይት ክለብ ገብቼ አላውቅም፣
ለመቅዲም ቤቱ አዲስ ነው ስለ ደስታ ግን የማውቀው ነገር የለም!
አንድ ጥግ ላይ ቁጭ ብለን መጠጣት ቀጠልን...
ናይት ክለብ ገብቼ አላውቅም ግን በፊትም በአንድ አንድ አጋጣሚ ጠጥቼ አውቃለሁ ለመቅዲ ግን አዲስ ሳይሆን አይቀርም
እሷ ገና በሙዚቃው ነው መስከር የጀመረችው....
መጠጥ ቤት ግማሹ ሰው ለመዝናናት ይሄዳል፣
ግማሹ ሰው የትኛውንም ቁስል ለመርሳት ይሄዳል፣
ግማሹ ሰው ደሞ ለጥያቄዎች መልስ መመለስ ሲያቅታቸው መጠጥ መፍትሄ የሚሰጣቸው መስሏቸው ይሄዳሉ፣
ብቻ ሁሉም ሰው የራሱን ምክንያት ይዞ ይሄዳል፤
መጠጥ ቤት ገብቶ መጠጣት ሲጀምር ግን ሁሉም ሰው መጀመሪያ አስቦ የሄደውን ነገር አያደርግም።
ለመዝናናት የሄደው ሰው ጭራሽ ለጥላቻ የሄደ ሰው መስሎ ቁጭ ይላል፣
ቁስሉን ለመርሳት የሄደው ሰው ጭራሽ ቁስል ተነክቶበት እብድ ሆኖ ያዙኝ ልቀቁኝ ይላል፣
.እኔን ብቻ ነው ግን መጠጥ ግራ የሚያገባኝ? ማለቴ ለኔ ብቻ ነው የመጠጥ የትኛውም አይነት ጥቅም የማይታየኝ?
የሆነ ሁሉ ይሁን ጥቅሙ ምን እንደሆነ ባለውቅም እኔም ጭልጥ ጭልጥ እያደረኩት ነው
እብዶች ብቻ በሞሉበት ጭስ እና አረቄ ተደምሮ እኔንም ሞቅ ሞቅ ማድረግ ጀምሯል
ክፍል አስራ አንድ እሁድ ይቀጥላል ቶሎ እንዲቀጥል አንብበው ሲጨርሱ #ሼር ማድረግ አይርሱ።
┄┄┉┉✽» ✿ »✽┉┉┄
https://t.me/+5IB6ndsrPnw3NzJk
••●◉Join us share
ይከታተሉን | Follow us፡
@yefkrtarik @yefkrtarik
┄┄┉┉✽» ✿ »✽┉┉┄┄
5.2K views , 18:00